:سپریم کورٹ میں بینچز کے دائرہ اختیار سے متعلق کیس کی سماعت جمعرات کو ہوئی ۔ سپریم کورٹ نے رجسٹرارسپریم کورٹ کو ہدایت کی کہ وہ 26ویں ترمیم کے بینچز کے دائرہ اختیار سے متعلق درخواستوں کی سماعت اسی بنچ کو تفویض کریں جو پہلے سے اس کی سماعت کر رہا تھا۔ جسٹس منصور علی شاہ کی سربراہی میں سپریم کورٹ کے تین رکنی بینچ نے درخواست کی سماعت کی۔جسٹس عقیل عباسی کو جسٹس عرفان سعادت کی جگہ بنچ میں شامل کیا گیا تھا۔ جسٹس منصور علی شاہ نے ریمارکس دیئے کہ کیس غلطی سے طے ہوا ہے ، یہ کیس اسی بینچ کے سامنے مقرر کیا جائے جو اس کی سماعت کر رہا تھا۔
جسٹس منصور علی شاہ نے اسے سپریم کورٹ کے دفتر کی غلطی قرار دیتے ہوئے ریمارکس دیئے کہ موجودہ کیس میں سندھ ہائی کورٹ کا فیصلہ جسٹس عقیل عباسی نے سنایا۔جسٹس عرفان سعادت گزشتہ بینچ کا حصہ تھے جس نے 13 جنوری کو کارروائی کی تھی۔جسٹس منصور نے اٹارنی جنرل آفس سے ایک سوال پر معاونت کے لیے کہا کہ آرٹیکل 191 کے تحت سپریم کورٹ کے بینچ کا دائرہ اختیار واپس لیا جا سکتا ہے یا نہیں؟ اس کے بعد کارروائی پیر 20 جنوری کے لیے ملتوی کر دی گئی۔ عدالت نے ایس سی پی کے دفتر کو اسی بنچ کے سامنے کیس طے کرنے کی ہدایت کی۔