کراچی کا اسٹیڈیم خالی دیکھ کر ناقابل یقین حد تک افسوس ہوا،وسیم اکرم

تماشائیوں کی تعداد کم وجہ معلوم ہے لیکن میں آپ لوگوں سے سننا چاہتا ہوں کہ مجھے بتائیں کہ کرائوڈ کہاں ہے اور کیوں وسیم اکرم
کراچی: پاکستان اور ویسٹ انڈیز کے درمیان پہلے ٹی ٹوئنٹی میچ میں تماشائیوں کی تعداد کم ہونے پر قومی ٹیم کے سابق کپتان وسیم اکرم نے بھی مایوسی کا اظہار کیا ہے۔ وسیم اکرم نے اپنی ٹوئٹ میں لکھا کہ پاکستان اور ویسٹ انڈیز کے درمیان کھیلے گئے پہلے ٹی ٹوئنٹی میں نیشنل اسٹیڈیم کو خالی دیکھ کر ناقابل یقین حد تک دکھ ہوا، خاص طور پر پاکستانی ٹیم کی گزشتہ ماہ کی پرفارمنس کے بعد۔سابق کپتان قومی ٹیم نے مزید کہا کہ مجھے تماشائیوں کی تعداد کم وجہ معلوم ہے لیکن میں آپ لوگوں سے سننا چاہتا ہوں کہ مجھے بتائیں کہ کراڈ کہاں ہے اور کیوں؟