حافظ حمد اللّٰہ کے شناختی کارڈ کی بحالی سے متعلق تفصیلی فیصلہ جاری

اسلام آباد ہائیکورٹ  نے حافظ حمد اللّٰہ کے شناختی کارڈ کی بحالی سے متعلق تفصیلی فیصلہ جاری کردیا۔

تفصیلی فیصلے کے مطابق حافظ حمد اللّٰہ کے ساتھ 10مزید شہریوں کا شناختی کارڈ بھی بحال کیا گیا ہے۔

چیف جسٹس اطہر من اللّٰہ نے 29 صفحات پر مشتمل تفصیلی فیصلہ جاری کیا۔

عدالت نے قرار دیا کہ نادرا کسی کو بھی شہریت سے محروم کرنے کا اختیار نہیں رکھتا، نادرا کا کام صرف رجسٹریشن کرنا اور ڈیٹا بیس برقرار رکھنا ہے۔

تفصیلی فیصلے میں کہا گیا کہ نادرا خود سے نہ شناختی کارڈ بلاک کرسکتا ہے، نہ معطل، نہ منسوخ، شہریت کا معاملہ سٹیزن شپ ایکٹ کے تحت متعلقہ اتھارٹی ہی دیکھ سکتی ہے۔